Самарқанд вилоятида турмушидан ажрашган эр собиқ турмуш ўртоғини бир эркак билан яқинлик қилганликда айблаб, шантаж қилмоқчи бўлди. У ўз режасини амалга оширишда бошқа бир аёл билан тил бириктирган. Бу ҳақда вилоят ИИБ матбуот хизмати хабар берди.
Эркак собиқ аёлига бир эркак билан жинсий алоқада бўлгани акс этган расмлари борлигини айтиб, уни ижтимоий тармоқларга тарқатиш билан қўрқитган. У бу ишни қилмаслик эвазига 5 минг талаб қилган.
Собиқ аёл билан яқинлик қилгани айтилган эркак эса ҳолат юзасидан ИИБга ариза берган.
Самарқанд вилояти ИИБ ходимлари томонидан 13 июль куни Паст Дарғом туманида ўтказилган тезкор тадбирда аёл аризачи эркакдан 5 минг долларни олаётган вақтда қўлга олинган.
Ҳолат юзасидан Жиноят кодексининг 165-моддаси (товламачилик) 2-қисми билан “а” билан жиноят иши қўзғатилган. Ҳозирда тергов ҳаракатлари олиб борилмоқда.
Март охирларида Андижонда талаба қизнинг шахсий суратларини ижтимоий тармоқларда тарқатмаслик учун пул талаб қилган шахс ушлангани, шунингдек, Самарқандда эркак “Одноклассники”да танишган аёлнинг суратларини монтаж қилиб, тарқатиш билан таҳдид қилгани тўғрисида хабар берилганди.
Изоҳ (0)