Зоминда қурилаётган янги аэродромга 24 июль куни Тошкентдан илк самолёт парвози амалга оширилди, деб хабар бермоқда “Дарё” мухбири.
Пойтахтдан Let L-410 русумли самолёт Зомингача 32 дақиқада етиб келди. 19 ўринга мўлжалланган ушбу самолёт тантанали равишда кутиб олинди.
Жиззах вилояти Зомин тумани “Лайлак уя” массиви ҳудудида жойлашган Зомин аэродромида 30 ўринга мўлжалланган йўловчи терминалини қуриш ишлари олиб борилмоқда. 60 гектар ер майдони ажратилган мазкур объектда 200 нафардан ортиқ ишчи меҳнат қилмоқда.
Эслатиб ўтамиз, Қашқадарё, Сурхондарё ва Жиззах вилоятларининг туризм салоҳиятини янада ошириш мақсадида Шаҳрисабз ва Сариосиё аэропортларига авиақатновларни тиклаш, шунингдек, Зомин аэропортига авиақатновлар йўлга қўйилиши ҳақида хабар берилган эди.
Изоҳ (0)