Samarqand shahrida erkak “Odnoklassniki”da tanishgan ayolning suratlarini montaj qilib, tarqatish bilan tahdid qildi. Bu haqda viloyat ichki ishlar boshqarmasi axborot xizmati xabar berdi.
Xabarga ko‘ra, Samarqand shahrida yashovchi ayol, 37 yoshli O.X. “Odnoklassniki" ijtimoiy tarmog‘idagi fotosuratlari maxsus dasturlar orqali ishlov berilib, sharmandali holatga keltirilgani va nomaʼlum shaxs uni ijtimoiy tarmoqlarga tarqatib yubormaslik evaziga 500 AQSH dollari pul talab qilayotganini bildirgan.
O‘tkazilgan tezkor-qidiruv tadbirlari natijasida Samarqand shahrida yashovchi 37 yoshli U.T. pullarni talab qilayotgani aniqlanib, tezkor-tadbir davomida pullarni olish vaqtida ashyoviy dalillar bilan qo‘lga olingan.
U sodir etgan qilmishi uchun Jinoyat kodeksining 165-moddasi bilan jinoiy javobgarlikka tortildi. Qonunga muvofiq U.T. tomonidan sodir etigan tovlamachilik uchun besh yildan o‘n yilgacha ozodlikdan mahrum qilish jazosi nazarda tutilgan.
Izoh (0)