Samarqand viloyatida turmushidan ajrashgan er sobiq turmush o‘rtog‘ini bir erkak bilan yaqinlik qilganlikda ayblab, shantaj qilmoqchi bo‘ldi. U o‘z rejasini amalga oshirishda boshqa bir ayol bilan til biriktirgan. Bu haqda viloyat IIB matbuot xizmati xabar berdi.
Erkak sobiq ayoliga bir erkak bilan jinsiy aloqada bo‘lgani aks etgan rasmlari borligini aytib, uni ijtimoiy tarmoqlarga tarqatish bilan qo‘rqitgan. U bu ishni qilmaslik evaziga 5 ming talab qilgan.
Sobiq ayol bilan yaqinlik qilgani aytilgan erkak esa holat yuzasidan IIBga ariza bergan.
Samarqand viloyati IIB xodimlari tomonidan 13-iyul kuni Past Darg‘om tumanida o‘tkazilgan tezkor tadbirda ayol arizachi erkakdan 5 ming dollarni olayotgan vaqtda qo‘lga olingan.
Holat yuzasidan Jinoyat kodeksining 165-moddasi (tovlamachilik) 2-qismi bilan “a” bilan jinoyat ishi qo‘zg‘atilgan. Hozirda tergov harakatlari olib borilmoqda.
Mart oxirlarida Andijonda talaba qizning shaxsiy suratlarini ijtimoiy tarmoqlarda tarqatmaslik uchun pul talab qilgan shaxs ushlangani, shuningdek, Samarqandda erkak “Odnoklassniki”da tanishgan ayolning suratlarini montaj qilib, tarqatish bilan tahdid qilgani to‘g‘risida xabar berilgandi.
Izoh (0)