Россия ҳукумати “Россия-24” ва “Москва-24”, “РБК” ва бир қатор ҳудудий телеканал ходимларига Москвага дронлар ҳужум қилгани ҳақидаги материални ёритиш тақиқлади. Бу ҳақда манбаларга таяниб, The Insider хабар берди.
Нашр суҳбатдошига кўра, Бутунроссия давлат телерадиокомпанияси каналларига бу мавзуни ёритиш тақиқланган. “РБК” Москвага ҳужум ҳақида батафсил маълумот тайёрлаган, аммо уни эфирга беришмаган. Мавзу Мудофаа вазирлиги ва Москва мэри Сергей Собянин томонидан қисқа шарҳлар билан давом эттирилган.
Ҳудудий каналлардан дрон ҳужумлари мавзусига урғу бермаслик сўралган, бироқ бу чекловлар ижтимоий тармоқларга тааллуқли эмас.
24 июлга ўтар кечаси Москвага иккита дрон ҳужум қилди. Дронлардан бири Россия Мудофаа вазирлиги биноси ёнида қулаган. Россия “Киев режими”ни терактга уринишда айблаган. РБК-Украина хабарига кўра, дрон ҳужумини Украина разведкаси уюштирган, бу Киевда расман тасдиқланмаган.
Изоҳ (0)