TikTok юлдузи, маҳоратли ошпаз Роберт Ли яқинда ўз каналига видео юклашни бошлади ва бутун дунёга машҳур бўлди. У кундан кун кўпайиб бораётган обуначиларига миллиардернинг шахсий ошпази сифатида иш куни қандай ўтишини кўрсатиб беради. Робертнинг каналида бир нечта видео бор, бироқ кўришлар сони аллақачон 20 миллиондан ошган.
Ошпазнинг таъкидлашича, у пазандалик курсларида таҳсил олмаган ва ҳатто ресторанда ҳам ишламаган. Обуначилардан бири унинг қандай қилиб бу ишга қабул қилинганлигини сўраган. Роб эса иш берувчиси билан тасодифан учрашиб қолганини, унга омад кулиб боққанини айтган. Бироқ кўплаб ижтимоий тармоқ фойдаланувчилари йигитнинг сирли миллиардернинг ошпази эканлигига ишонади. Роб эса бу ҳақда аниқ маълумот бермаган.
Роб ҳеч қачон ошпазлик курсида таҳсил олмаган ва ресторанда ишламаган
“Видеоларим бунчалик кўп инсонларга манзур бўлади, деб ўйламагандим”, — дейди ёш ошпаз.
Томошабинларнинг унинг ишларига қизиқиши сўнмаслиги ажабланарли ҳолат эмас, чунки Роб ҳар сафар янги таом тайёрлайди.
Видеолардаги маълумотларга кўра, Роб нонушта тайёрлаш учун эрта тонгда ишга келади. Аввал у бозордан керакли маҳсулотларни сотиб олади, кейин боғдан кўкатларни йиғади ва овқат пиширишни бошлайди. Роб изоҳларда уй эгаси барча керакли маҳсулотларни сотиб олиши учун унга кредит карта беришини айтган. Йигитга таомларни танлашда тўлиқ эркинлик берилади.
Нонушта, тушлик ва кечки таом оралиғида Роббининг бўш вақти бўлади, у бу вақтини машинасида сайр қилиш ёки очиқ ҳавода ҳовлида дам олиш, видеоларни монтаж қилиш билан ўтказади. Унинг дам олиш кунлари бор, бироқ, одатда, иш берувчи уни қачон уйда бўлмаслиги ҳақида огоҳлантиради ва шундай ҳолатда Роберт ишга бормаслиги мумкин бўлади.
Баъзи обуначилар унинг ошпазлик истеъдодига қойил қолишидан ташқари, шахсий ҳаётига ҳам қизиқиш билдирмоқда. Роб изоҳларда севган инсони йўқлигини, уни топиш ниятида эканини айтган.
Бироқ яна бир тафсилот ижтимоий тармоқ фойдаланувчилари назаридан четда қолмади. Роб бундай мазали ва мураккаб таомларни бой инсонлар учун пиширади, ўзи учун эса макаронли ёки донли маҳсулотлардан овқат тайёрлайди. Кўпчилик ундан тайёрлаган таомларини татиб кўриш масаласини сўраган, йигит эса агар хоҳласа овқатларни еб кўришини айтган.
Робнинг маълум қилишича, видеоларини уй эгалари ҳам томоша қилади. Ёш ошпаз тўхтаб қолмайди, у видео суратга олишда ва қалбининг бир қисмини обуначилар билан баҳам кўришда давом этмоқда.
Изоҳ (0)