“Мэри Поппинс қайтмоқда” ва “Шерлок Холмс” фильмлари суратга олинган Лондондаги машҳур тарихий уй 15 млн долларга сотилди

Лондон марказида ўн саккизинчи асрда барпо этилган қаср 15 миллион долларга сотилди, деб хабар беради “Правила Маг”.

Бу уйда Бен Кингсли ва Майкл Кейн иштирокида “Ҳеч қандай далилсиз” (1988), шунингдек, актриса Эмили Блант иштирок этган “Мэри Поппинс қайтмоқда” фильмлари суратга олинди (2018).

Уй Вестминстерда, Биг Бен яқинида жойлашган. Саройнинг майдони 700 квадрат метрни ташкил этади. Унда саккизта ётоқхона, бешта ҳаммом ва беш яшаш хонаси мавжуд. Сарой Sothebey’s аукционида сотилган, харидорнинг исми ошкор этилмаган.

Кира Найтли, Хелен Миррен ва Морган Фриман иштирок этган Disney кинокомпаниясининг фильми “Шелкунчик ва тўрт қироллик” (2018) худди шу уйда суратга олинган. “Инглизча жанжал” (2018) мини-сериалининг суратга олиш жараёнида сарой хоналаридан бири Хью Грант учун кийиниш хонаси сифатида ишлатилган.