Норвегияда йўқолган Компис лақабли ит орадан уч ҳафта ўтиб Италиядан топилди, деб хабар бермоқда “Правила жизни” нашри.
Итнинг эгаси Мари Карлсеннинг айтишича, у Компис билан уй ҳовлисида ўйнаган ва чалғиганида ит йўлга қараб қочиб кетиб, қайтиб келмаган.
Мари Комписни қидирган, бироқ топа олмаган. Тахминан тўрт соат ўтгач, аёл полицияга мурожаат қилган. Карлсенлар оиласи итнинг йўқолгани ҳақидаги хабарларни ижтимоий тармоқларга жойлаштирган ва қидирув варақаларини деворларга осиб қўйган, бироқ қидирув ҳеч қандай натижа бермаган.
Компис ғойиб бўлганидан ўн тўққиз кун ўтгач, унинг эгасига венециялик ветеринар қўнғироқ қилган. Ит номаълум тарзда Италияга бориб қолган.
Шифокорнинг сўзларига кўра, Комписни унга италиялик жуфтлик олиб келган, улар маҳаллий аҳолидан бири итини йўқотиб қўйган деб ўйлаган. Ветеринария шифокори итнинг чипидаги маълумотларни текширганида, итнинг уйи Норвегияда жойлашгани маълум бўлган.
Италиядан қўнғироқ бўлганидан сўнг, Мари чипта сотиб олган ва уй ҳайвонини олиш учун жўнаб кетган. Мари Венецияга боргунича ит уни топиб олган жуфтлик билан бирга яшаган. 19 кун ичида Компис билан нималар содир бўлгани ва у қандай қилиб Италияга бориб қолганини ҳеч ким билмайди.
Изоҳ (0)