Россия томонидан аннексия қилинган Қримнинг Красногвардейский туманига Украина дронларининг ҳужуми оқибатида ўқ-дорилар омборида портлаш содир бўлди, деди яриморол раҳбари Сергей Аксенов.
“Дастлабки маълумотларга кўра, қурбонлар ва жабрланганлар йўқ. Аҳолини фавқулодда вазият жойидан вақтинчалик эвакуация марказларига ўтказиш тўғрисида қарор қабул қилинди. Хатарларни минималлаштириш учун Қрим темирйўлида ҳаракатни тўхтатишга ҳам қарор қилинди”, — деб ёзди Аксенов.
Аввалроқ Россия ва Украина Telegram-каналларида ҳужум оқибатлари акс этган видеолар пайдо бўла бошлаганди. Телеканалларнинг ёзишича, дронлар Октябрьский посёлкаси яқинидаги аэродром ва нефть омборига ҳужум қилган. Украина оммавий ахборот воситалари ўқ-дорилар омборига зарба берилгани ҳақида хабар берди.
Эслатиб ўтамиз, 19 июлга ўтар кечаси Қримнинг Кировский туманидаги полигонда ёнғин содир бўлганди, шу сабабли маҳаллий ҳокимият бир неча аҳоли пунктларини эвакуация қилди. Маш Telegram-канали хабарига кўра, ёнғин ўқ-дорилар омборида бошланган. Маҳаллий аҳолига полигондан беш километр радиусда портлаш овози эшитилиб турган.
Изоҳ (0)