Енгил вазн тоифасида UFC чемпиони Ислом Махачев 21-октябрь куни Абу-Дабида бўлиб ўтадиган UFC 294 мусобақасида октагонга кўтарилади.
Махачев ушбу мусобақада Чарльз Оливейрага қарши реванш жанги ўтказади ва камарини иккинчи марта ҳимоя қилади.
Улар ўртасидаги дастлабки жанг 2022 йилнинг октябрь ойида UFC 280 доирасида бўлиб ўтган ва унда Ислом иккинчи раундда сабмишен эвазига Оливейрани таслим этиб, камарни ўзиники қилганди.
Шундан кейин Махачев UFC 284 турнирида Александр Волкановскини очколар эвазига мағлуб этди. Чарльз эса июнь ойида ўтказилган UFC 289 да Бенеил Дариушни нокаутга учратди.
.jpg)
UFC 294 мусобақасида Ҳамзат Чимаев ҳам жанг қилади. Унга бу сафар Пауло Коста рақиб бўлади. Сўнгги жангини 2022 йилнинг сентябрь ойида ўтказган Чимаев UFC’да олти ғалабадан иборат серия қайд этмоқда. Коста эса иккита мағлубиятдан кейин 2022 йил августда Люк Рокҳолддан устун келганди.
Шунингдек, Абу-Дабидаги мусобақада Нассурдин Имавов ва Икрам Алиаскеров ўзаро тўқнаш келади.
Изоҳ (0)