Футбол бўйича ўртоқлик ўйинида “Пахтакор” 19 июль, чоршанба куни Қозоғистоннинг “Қайрат”ига қарши баҳс олиб борди.
Марказий Осиё дербиси деб ном олган ўйинда “шерлар” 90+2-дақиқада Башанакнинг голи эвазига ғалаба қозонди.
Учрашувдан сўнг “Пахтакор” бош мураббийи Максим Шацких ўйин ҳақидаги фикр-мулоҳазаларини билдирди: “Барчаси биз кутгандек бўлди. Ўйин ҳар икки жамоа ҳужумлари билан кечди. Мухлисларга ёқадиган футбол бўлди. Биз баҳс охирида тўп киритиб, ғалаба қозондик. Ҳозир биз иккинчи даврага тайёргарликни давом эттиряпмиз. Якшанба куни Тошкентда Тожикистон чемпиони “Истиқлол” билан майдонга тушамиз. Таркибнинг бир гуруҳи уч кун олдин назорат баҳсида ўйнаганди. Бугун иккинчи гуруҳнинг навбати келди.
Тез орада турк клублари билан меморандум имзолаймиз, турли соҳаларда тажриба алмашамиз. Футболчилар ўтишлари амалга ошиши мумкин. Клуб ва раҳбарият турк жамоалари билан илиқ муносабатда.
Учрашувда баъзи камчиликларни ҳам кўриб олдик. Ўйинчилар сўнгги 10 кунда юқори юкламалар олишди. Бугун ҳеч ким алмаштирилишини сўрамади. Демак, уларнинг жисмоний ҳолати бунга дош берди. Ҳозирликни режадагидек давом эттирамиз”.
Қозоғистон лигаси
Ўртоқлик ўйини
19 июль, чоршанба
“Қайрат” – “Пахтакор” 0:1
Гол: 0:1 — 90+2 Башанак.
“Қайрат”: Данил Устименко, Маки Баняк, Байжан Маделхан, Сергей Кейлер, Егор Ткаченко, Еркебулан Сейдаҳмет, Александр Широбоков, Дмитрий Сергеев, Андрей Улшин, Антон Крачковский, Артур Шушенбаев.
“Пахтакор”: Қувватов, Алижонов, Ҳамралиев, Азмиддинов, Сайфиев, Ҳамробеков, Собирхўжаев, Ҳамдамов, Черан, Турғунбоев, Банашак.
Изоҳ (0)