BAAning Abu-Dabi shahrida 22-oktabr oqshomida UFC 280 musobaqasi bo‘lib o‘tdi.
Kechaning asosiy jangi yengil vazn toifasida vakant titul uchun Charlz Oliveyra va Islom Maxachev o‘rtasida kechdi. Birinchi raundda Islom ustunlikka ega bo‘ldi. Ikkinchi raundda Islom kuchli zarba bilan Charlzni muvozanatdan chiqardi va “qo‘ldagi uchburchak” uslubi hisobiga raqibini taslim bo‘lishga majbur qildi.
Shu tariqa Maxachev yengil vazn toifasida yangi chempionga aylandi.
Maxachev so‘nggi jangida Bobbi Grinni birinchi raundda texnik nokaut evaziga taslim etgandi. Oliveyra esa Dastin Getjiga qarshi oktagonga chiqib, birinchi raundda g‘alaba qozongandi. Ushbu g‘alaba orqali Oliveyra yengil vazn toifasidagi chempionlik kamarini vakant qoldirgan. Bungacha Oliveyra mazkur vazn chempioni hisoblanardi. Biroq u vazn me’yorini bajara olmagani sababli kamaridan mahrum bo‘lgan edi.
Izoh (0)