Францияда июнь охири — июль бошида юз берган тартибсизликлар ортидан суд қарори билан 1278 та айблов эълон қилинган, деди Франция адлия вазири Эрик Дюпон-Моретти RTL радиостанциясида.
Унинг қайд этишича, 1056 киши озодликдан маҳрум қилинган, шу жумладан, 742 киши ҳақиқий қамоқ жазосига ҳукм қилинган. 600 нафар маҳкум қамоққа олиш жойларига жўнатилган.
27 июнь куни Парижнинг Нантер чеккасида 17 ёшли ўсмир назорат мақсадида машинани тўхтатиш талабига бўйсунмагани учун полиция томонидан отиб ташланди. Шундан сўнг бутун мамлакатни тартибсизликлар қамраб олди.
250 га яқин ҳуқуқ-тартибот ходимлари тартибсизликлар оқибатида жабр кўрди. Франция матбуоти бу тартибсизликлар 2005 йил кузидаги тартибсизликлардан кейин мамлакатдаги энг йириги эканини ёзди.
Бир ҳафта ўтгач, тартибсизликлар интенсивлиги пасайишни бошлади, аммо ҳукумат июль ойи давомида, айниқса, 14 июль Миллий байрами арафасида юқори даражадаги ҳушёрликни сақлаб қолишда давом этди.
Изоҳ (0)