Тинч океанида сиднейлик денгизчи Тим Шеддок ва унинг ити Билла бўрон сабаб бир неча ой океанда сузганидан сўнг қутқариб олинди, деб хабар бермоқда 9News.
51 ёшли Тим Шеддок ва Билла (итнинг ёши номаълум) уч ой олдин Мексикадан Франция Полинезиясига йўлга чиққан, бироқ бир неча ҳафта ўтгач, қайиқ бўрон пайтида жиддий шикастланган. Икки ой давомида улар яшаш учун энг зарур нарсаларни истеъмол қилган: озиқ-овқат учун хом балиқ тутиб еган, ичимлик учун ёмғир сувидан фойдаланган. Икки ой ўтгач, денгизчининг қайиғини балиқчи траулерни кузатиб бораётган вертолётдагилар пайқаб қолишган. Шеддок топилганида, у соғлом ва яхши кайфиятда эди.
“Мен денгиздаги энг оғир синовдан ўтдим. Энди дам олишим ва яхши овқатланишим керак, чунки узоқ вақтдан бери тўйиб овқатланмадим. Асосийси, мен соғломман”, — деди Шеддок 9News’га.
Шеддокнинг шифокори эркакнинг ҳаётий кўрсаткичлари нормал эканини айтди.
Журналистларнинг сўзларига кўра, Билла ҳам “кўринишидан соғлом”. Ит ҳақида батафсил маълумот берилмаган.
Sky News Australia телеканали Тим Шеддок ва Билла қутқарилганидан кейин олинган кадрларни эфирга узатди.
Изоҳ (0)