Беларусь президенти Александр Лукашенко “Халқ лашкари тўғрисида”ги қонунни имзолади. Бу ҳақда 17 июль куни Лукашенко матбуот хизматида маълум қилинди.
Ҳужжатда ҳарбий ҳолатни таъминлашда “фуқароларнинг ихтиёрий иштироки учун” ҳуқуқий асослар белгилаб қўйилган. Бундан ташқари, у ҳудудий ички ишлар органларига ёрдам кўрсатиш учун қўшимча шарт-шароитлар яратади.
Лашкар таркибига 100-150 минг киши кириши мумкин
Февраль ойида ҳарбийлар халқ лашкари таркибига камида 100-150 минг киши кириши мумкинлигини айтганди.
“Биз ҳарбий тайёргарликдан ўтмаган одамлар, жумладан, аёллар ҳам кўнгилли бўлиши мумкинлигини истисно қилмаймиз”, — деган Беларусь мудофаа вазири Виктор Хренин.
Ҳужжат Мудофаа вазирлиги томонидан мамлакат Ички ишлар вазирлиги билан биргаликда ишлаб чиқилган.
2022 йилнинг кузида Беларусда тест форматида халқ лашкари ташкил этилди. Ўшанда у Могилев вилоятининг Климовичи туманидаги қишлоқ кенгаши негизида тузилди. Лашкар ҳудудий мудофаани тўлдириб туради.
2023 йил 17 июль куни “Беларуски Гаюн” мониторинг гуруҳи Беларусга келган “Вагнер” хусусий ҳарбий компаниясининг яна бир карвони ўзи билан 100 дан ортиқ техника олиб келгани ҳақида хабар берди.
Изоҳ (0)