Ўзбекистонда 2023 йилнинг биричи ярмида солиқ ҳуқуқбузарликлари ҳақида 68 мингдан ортиқ мурожаат йўлланган, деб хабар бермоқда Солиқ қўмитасининг “Фискал таҳлиллар” Telegram-канали.
Маълум қилинишича, январь июнь ойларида “Солиқ” мобил иловасининг “Солиқ ҳамкор” тизими орқали солиқ ҳуқуқбузарликлари ҳақида келиб тушган 68 129 та мурожаатдан:
- 63 548 таси харид чеки бермаслик;
- 2 755 таси тўловни пластик карта орқали қабул қилмаслик;
- 128 таси пластик карта учун харид суммасини ошириш;
- 1 698 таси бошқа турдаги ҳуқуқбузарлик ҳолатлари бўйича.
Мурожаатларнинг 38 867 таси такрорий бўлгани ёки шикоят келиб тушган тадбиркорлик субъектида текширув давом этаётганли сабабли қайтарилган.
Келиб тушган мурожаатлар асосида 25 623 та сайёр солиқ текшируви ўтказилиб, 100 фоиз ҳолатда ҳуқуқбузарлик тасдиқланган.
Натижада ҳуқуқбузарлик ҳолатлари бўйича хабар берган фуқароларга 2023 йилнинг I ярмида 26 988 та ҳолат бўйича (ундирилган жарима суммасидан 20 фоиз) 13,5 миллиард сўм мукофот тўланган.
Изоҳ (0)