Қирғизистон Жогорку Кенеш депутатлари Исмоилов ва Алимжонов сохта дипломлар туфайли мандатларидан айрилди. Бу ҳақда “Кабар” ахборот агентлиги хабар берди.
Қирғизистон Марказий сайлов комиссияси сохта диплом сабабли икки депутат Фарҳат Исмоилов (“Ата-Журт Қирғизистон” фракцияси) ва Фарходбек Алимжоновнинг (“Альянс” фракцияси) мандатларини бекор қилди.
Халқ таълими вазирининг биринчи ўринбосари Уланбек Усековнинг сўзларига кўра, Исмоилов олий ўқув юртига ўқишга кирмаган, Алимжонов эса мамлакатда бўлмагани учун давлат имтиҳонларини топширмаган, университетни тамомлаганлик ҳақидаги диплом эса қоидабузарликлар билан берилган.
Изоҳ (0)