Қирғизистонда президент ва депутатлар сайловида овоз беришда қатнашмаганларни жаримага тортиш таклиф қилинди.
“Қирғизистон Республикаси президенти ва парламент депутатлари сайлови тўғрисида”ги қонунга шундай ўзгартиришлар киритилиши кутилмоқда. Ҳужжат Жогорку Кенеш сайтида муҳокамага тақдим этилган.
Ўзгартиришларга кўра, Қирғизистон президенти ва Жогорку Кенеш депутатлари сайловларида овоз беришдан бош тортган ҳар бир фуқаро 5 минг сом (салкам 700 минг сўм) миқдорида жаримага тортилиши мумкин. Фақат узрли сабабларга кўра овоз беришни ўтказиб юборганлар бундан истисно қилинади. Бундай сабабларнинг мезонлари қонун лойиҳасида кўрсатилмаган.
Таъкидланишича, кўплаб Европа давлатлари, Австралия, Бразилия, Туркияда узрли сабабларсиз сайловга келмаган фуқароларни жавобгарликка тортиш амалиёти мавжуд. Ҳужжатга кўра, мазкур чора сайловда етарлича фаолликни таъминлайди.
Изоҳ (0)