Тошкент шаҳар Мирзо Улуғбек туманида канализация қувурининг ўпирилиши оқибатида бир киши тупроқ остида қолди, деб хабар беради пойтахт ФВБ ахборот хизмати.
Қайд этилишича, 9 июль куни соат 19:13 ларда Мирзо Улуғбек тумани Олтинтепа кўчасида жойлашган хонадонларнинг бирида уй эгалари томонидан канализация қувурини таъмирлаш мақсадида чуқур қазилган. Мазкур чуқурнинг ўпирилиши ҳамда бир фуқаронинг тупроқ остида қолиб кетгани бўйича Тошкент шаҳар Фавқулодда вазиятлар бошқармасига хабар келиб тушган.
.jpg)
Шунга кўра зудлик билан олиб борилган ҳаракатлар натижасида фуқаро хавфсиз жойга олиб чиқилган ҳамда тез тиббий ёрдам ходимларига топширилган. Айни вақтда фуқаронинг аҳволи яхши экани айтилмоқда.
.jpg)
Бундан олдин Қашқадарёда хавфсизлиги таъминланмаган трансформатор сабаб 7 ёшли бола икки қўлидан ажралиб қолгани, Тошкентда “Жигули” Nexia-3 билан тўқнашиб, чуқурга тушиб кетгани, Сирдарёда хонадон ҳожатхонасидан 3 кишининг жасади топилгани тўғрисида хабар берилганди.
Изоҳ (0)