Toshkent shahar Mirzo Ulug‘bek tumanida kanalizatsiya quvurining o‘pirilishi oqibatida bir kishi tuproq ostida qoldi, deb xabar beradi poytaxt FVB axborot xizmati.
Qayd etilishicha, 9-iyul kuni soat 19:13 larda Mirzo Ulug‘bek tumani Oltintepa ko‘chasida joylashgan xonadonlarning birida uy egalari tomonidan kanalizatsiya quvurini ta’mirlash maqsadida chuqur qazilgan. Mazkur chuqurning o‘pirilishi hamda bir fuqaroning tuproq ostida qolib ketgani bo‘yicha Toshkent shahar Favqulodda vaziyatlar boshqarmasiga xabar kelib tushgan.
.jpg)
Shunga ko‘ra zudlik bilan olib borilgan harakatlar natijasida fuqaro xavfsiz joyga olib chiqilgan hamda tez tibbiy yordam xodimlariga topshirilgan. Ayni vaqtda fuqaroning ahvoli yaxshi ekani aytilmoqda.
.jpg)
Bundan oldin Qashqadaryoda xavfsizligi taʼminlanmagan transformator sabab 7 yoshli bola ikki qo‘lidan ajralib qolgani, Toshkentda “Jiguli” Nexia-3 bilan to‘qnashib, chuqurga tushib ketgani, Sirdaryoda xonadon hojatxonasidan 3 kishining jasadi topilgani to‘g‘risida xabar berilgandi.
Izoh (0)