Ўзбекистонда кечки ёки сиртқи таълимда таҳсил олаётган ходимларга сессия топшириш учун ойлик сақланган таътил берилади.
Олий таълим муассасалари, техникум ёки коллежларда кечки ёки сиртқи таълимда ўқиётган ходимларга лаборатория-имтиҳон сессияларида қатнашиш учун ўртача иш ҳақи сақланган ҳолда қуйидаги муддатларда ўқув таътиллари берилади:
- ОТМда кечки таълимда ўқиётган 1-2-курс талабаларига – камида 20 кун, техникум ёки коллежларда – камида 10 кун, ОТМ ва техникум ёки коллежларда сиртқи таълимда ўқиётганларга эса – камида 30 кун;
- ОТМда кечки таълимда 3-4-курсларда ёки ундан юқори курсларда ўқиётганларга – камида 30 кун, техникум ёки коллежларда – камида 20 кун, ОТМ ва техникум ёки коллежларда сиртқи таълимда ўқиётганларга эса камида 40 календарь куни.
Ишни ўқиш билан бирга олиб бораётган ходимларга навбатдаги меҳнат таътиллари улар ўқув таътилларидан фойдаланганидан қатъи назар берилади.
Иш берувчи олий таълим ташкилотларида сиртқи таълим шаклида таҳсил олаётган ходимларга лаборатория-имтиҳон сессиясида иштирок этиш учун таълим ташкилоти жойлашган ерга бориши ва у ердан қайтиб келиши учун йилига бир марта йўлкира ҳақининг 50 фоизидан кам бўлмаган миқдорини тўлайди. Давлат аттестациясидан ўтиш учун худди шундай миқдорда йўлкира ҳақи тўланади.
Июль бошида давлат олий таълим муассасаларига ўқишга қабул қилиш жараёнларини мувофиқлаштириш бўйича давлат комиссиясининг тегишли баёни билан бакалавриат ва магистратуранинг давлат буюртмаси ва тўлов-контракт асосида ўқишга қабул қилиш параметрларининг таълим йўналишлари ва ўқитиш тиллари бўйича тақсимоти тасдиқланганди.
Изоҳ (1)
ассалому алайкум. буни нимаси янгилик? эски, 1995 йилдаги Меҳнат кодексининг 256-моддасини ўқимаган кўринади муаллиф, айни шу моддада бу имтиёзлар бор эди.
Бундан кўра муаллиф янги Кодексдаги янгиликни, яъни мк 386-моддадаги иккинчи мутахассислик бўйича таҳсил олаётган ходимларга ўқув таътил берилмаслигини ёритиб берса тўғри бўларди.