Ўзбекистонда пенсияга чиқиш ёшини камида 5 йилга узайтириш керак. Бу ҳақда иқтисодчи Отабек Бакиров Twitter’даги саҳифасида фикр билдирди.
Иқтисодчининг ёзишича, ҳозирги тизим юкламани бошқа кўтара олмайди.
“Пенсия ёши камида 5 ёшга кўтарилиши керак. Ҳозирги тизим юкламани бошқа кўтара олмайди. Индивидуал жамғариб бориладиган пенсия тизимига ўтилмаса, бу ҳам ёрдам бермайди”, — деб ёзади мутахассис.
Айни пайтда Ўзбекистонда пенсия ва нафақа олувчилар сони 4,5 миллион кишига яқинлашган.
2023 йил учун “Ўзбекистон Республикасининг Давлат бюджети тўғрисида”ги қонунга асосан, Пенсия жамғармасига давлат бюджетидан трансфертлар миқдори 15 триллион сўм бўлиши кўзда тутилган. Иқтисодиёт ва молия вазири ўринбосари Дилшод Султонов шу йилнинг март ойидаги матбуот анжуманида Пенсия жамғармаси учун 14,5 триллион сўм ташқи қарз жалб қилинишини маълум қилган.
“Ташқи қарзнинг 3 миллиард доллардан ортиқ қисми бюджетни қўллаб-қувватлашга сарфланади. Масалан, бу йилги иккита йирик харажатдан бири – пенсия Жамғармасига берадиган трансфертимиз 15 триллион сўм бўлиши кўзда тутилмоқда. Сабаби аҳоли фаоллик билан солиқ тўлашга кириб келмаяпти. Кўпчилик ойликни яширади, солиқ тўламасликка ҳаракат қилади ва ойликни паст кўрсатади. Шунинг ҳисобига пенсиянинг тақчиллиги катта бўляпти”, — деган вазир ўринбосари.
Аввалроқ Ўзбекистонда Марказий Осиёнинг бошқа мамлакатларига нисбатан пенсияга чиқиш ёши пастроқ экани хабар қилинганди. Хусусан, 2023 йил июнь ойи ҳолатига кўра, Ўзбекистон фуқаролари учун пенсия ёши — эркакларга 60 ёш, аёлларга 55 ёш этиб белгиланган.
Қозоғистонда эркаклар 63 ёшдан, аёллар 61 ёшдан пенсияга чиқиши мумкин. Қирғизистонда ҳам эркаклар учун пенсия ёши 63 ёш, аёлларга эса 58 ёш этиб белгиланган. Тожикистонда эркаклар 63 ёшдан, аёллар 58 ёшдан пенсияга чиқса, Туркманистонда эркаклар 62 ёшдан, аёллар 57 ёшдан ёшга доир пенсияга чиқиш ҳуқуқига эга.
Маълумот учун, Ўзбекистоннинг давлат ташкилотларида ишлаётган ходимларнинг 5 фоизи пенсия ёшидагилар ҳисобланади.
Изоҳ (7)
Oʻzbek xalqi ogʻir mehnatlar ortidan keyin ham rohatda yashay olmas ekanda. Oʻzi koʻpchilik insonlar pensiya yoshiga yetmasdan oʻlib ketishadi. Bu taklif kimningdir oʻzini davlat mansabdorlariga yoki toʻgʻridan toʻgʻri Prizidentga oʻzini koʻz koʻz qilib, yaxshi koʻrinish emasmi.
Pnsiya yoshini kotarilsa biz yoshlar o'lib ketamizakanda ish qidirib, Shundogam pensiya yoshidagilar ish bergani yo'q. Masalan, men o'qituvchiman. Tizimni yaxshi tushunaman. Pensiya yoshini kotarish bilmadim qanaqa bolarkin ammo, men bilgan ustozlar endi pensiyaga chiqib pensiya pulini ham ololmay bu dunyoni tark etdilar.
Жонга тегдику манашу билагон
Sizlar qayerdan olyapsizlar bunday gaplarni masalan neftgaz soxasida geofiziklar texnik xodimlar bor yoshi 50 ga bormasdan charchab bolyapti qishni qish demasdan yozni yoz demasdan kechayu kunduz ishlaymiz ishimiz oĝir shunga yarasha na oylik bor na sharoit toĝri sizlar chiqsalariz bõladi 70 yoshdanmi 75 yoshdanmi pensiyaga xar tomonlama õylab kõrizlar bujjerdan kõp pul ketayotgan bõlsa kamroq yiyish kerak
O'zi bir narmalni xalqni o'ylaydigan deputatlaram bormi a
Ha shunday qilinglar qariyalar 70yoshgacha ishlasin yoshla ishga kirolmay Rossiyada yursin yillab kelajak yoshlar qo'lida bosinglar O'zbekiston kelajagi buyuk juda buyuk......
Lekin pensiya yoshining oshirilishi yangi va yosh kadrlarni kirib kelishini qiyinlashtiradi. Chunki ish beruvchi doim ish stajiga ega kadrni yosh tajribasiz kadrdan ustun qoʻyadi. Soʻng yoshlar chetga keta boshlaydi. Bu esa mehnat resurslarini kamayishiga olib kelishi mumkin .