23-октябр куни Тошкент шаҳридаги “Халқлар дўстлиги” саройида бўлиб ўтиши керак бўлган россиялик хонанда Григорий Лепснинг концерти бекор қилинди. Бу ҳақда Афиша хабар бермоқда.
Нашрнинг ёзишича, харид қилинган чипталарни сарой ёки “iTicket.уз” кассаларида қайтариб олиш мумкин.
Бундан ташқари, ҳозирда “iTicket.уз” сайтида Григорий Лепс концерти учун чипталар сотиш бошлангани ҳақидаги эълон ўчирилган.
Шунингдек, Маданият вазирлиги ҳам ҳолатни тасдиқлади. Вазирликнинг Telegramъдаги каналида ёзилишича, концерт “айрим техник сабабларга кўра” қолдирилган.
Бунгача Лепснинг Қирғизистондаги концерти бекор қилинганди. Сабаби рус хонандаси Россиянинг Украинадаги босқинини доимий қўллаб келган ва урушни молиялаштиришни ҳам бошлаган. Ижтимоий тармоқ фаоллари шу туфайли унинг мамлакатда концерт беришига кескин қаршилик кўрсатиб келаётганди.
Изоҳ (0)