Бензин учун компенсация миқдори 2023 йил II чоракдан бошлаб 55 фоизга оширилди. Бу ҳақда "Ўзбекнефтгаз” АЖ матбуот хизмати хабар берди.
Қонунчиликда бир қатор шахсларга автомобиль бензини сотиб олиш харажатларининг бир қисми ойлик пул компенсацияси сифатида тўланади.
Шу пайтгача мазкур тўлов миқдори 75 000 сўмни ташкил этар эди.
Эндиликда ҳукумат қарори билан тасдиқланган “Автомобиль бензини сотиб олиш харажатларининг бир қисми учун шахсларнинг айрим тоифаларига ойлик пул компенсацияси тўлаш тартиби тўғрисидаги низом”га ўзгартиришлар киритилиб, ушбу турдаги компенсациянинг янги миқдори белгиланди.
“Унга кўра, бензин учун компенсация миқдори 2023 йил II чоракдан бошлаб 116 180 сўмни ташкил қилади (55 фоизга ошди).
Компенсация олиш ҳуқуқига эга бўлган шахслар яшаш жойи бўйича пенсия ва нафақалар тайинланадиган органларга мурожаат қилади” — дейилади хабарда. .
Ҳукумат қарорига кўра, қуйидагилар ойлик пул компенсацияси олиш ҳуқуқига эгадир:
- уруш қатнашчилари ва уларга тенглаштирилган шахслар мазкур Низомга 1-иловага мувофиқ;
- уруш фахрийлари ва уларга тенглаштирилган шахслар мазкур Низомга 2-иловага мувофиқ;
- меҳнатда майиб бўлиш ва касб касаллиги туфайли I ва II гуруҳ ногиронлар;
- I ва II гуруҳ болаликдан ногиронлар.
Бензин учун компенсация тўловлари "Ўзбекнефтгаз" томонидан молияшлаштирилади.
Изоҳ (0)