Урушдан қочиб, украиналикларнинг катта қисми Европа давлатларида бошпана топди. Улар учун 43 миллиард евродан кўпроқ маблағ ажратилган. Бу ҳақда Украинанинг вақтинчалик босиб олинган ҳудудларни реинтеграция қилиш вазирлиги хабар берди.
Мазкур харажатлар нақд пул тўлови, уй-жой, тиббий ёрдам, таълим хизмати, шунингдек, озиқ-овқат ва асосий эҳтиёжни ўз ичига олади.
“Украиналикларни қабул қилган Европа давлатлари орасида Польша энг кўп маблағ сарфлади, бу 12 миллиард евродан ошади. Германия бу кўрсаткич бўйича иккинчи ўринда. Унинг украиналик бошпана изловчилар учун сарфлаган маблағи деярли 11 миллиард еврога етди”, — дейилади хабарда.
Бошқа давлатлар ажратган маблағ улуши қуйидагича:
- Чехия (2,94 млрд евро),
- Испания (2,24 млрд евро),
- Франция (2,04 млрд евро),
- Руминия (1,26 млрд евро),
- Швейцария (1,16 млрд евро)
- Италия (1,15 млрд евро миллиард).
Шунингдек, украиналикларга ёрдам беришга Европа давлатларининг оддий фуқаролари катта ҳисса қўшган.
Европадаги украиналик қочқинлар
Британия разведкаси маълумотларига кўра, ҳар тўртинчи украиналик Россия ҳарбийлари бостириб кириши сабабли уйини тарк этишга мажбур бўлган.
Украина президенти Владимир Зеленский қочқинларни мамлакатга қайтариш масаласи ҳар бир украиналик учун мустақил қарор эканини айтган. Гарчи расмийлар огоҳлантирганидек, урушдан кейинги Украинани тиклаш режаси асосан демографик вазиятга таянади.
Изоҳ (0)