Эрон президенти Иброҳим Раисий АҚШ долларидан халқаро валюта сифатида воз кечишга чақирди. Бу ҳақда “РИА Новости” хабар берди.
Иброҳим Раисий Ҳиндистон раислигидаги Шанхай ҳамкорлик ташкилотининг (ШҲТ) саммитида бу ҳақда гапирди. Раисий Ғарбнинг гегемонлиги АҚШ валютасининг ҳукмронлигига ҳисса қўшишини таъкидлади.
У янги иқтисодий тартиб яратиш учун жаҳон амалиётидаги ушбу валютани олиб ташлаш, давлатлар ўртасидаги савдода миллий валюталардан фойдаланиш кераклигини билдирди.
4 июль куни Эрон Шанхай ҳамкорлик ташкилотига аъзо бўлди ва ташкилотнинг тўққизинчи тўлиқ аъзосига айланди.
- Россия ҳам долларни жаҳон валютаси сифатида воз кечиш ҳақида бир неча бор гапирган. ШҲТ саммитида Владимир Путин Россия ва Хитой ўртасидаги тижорат операцияларининг 80 фоиздан ортиғи рубль ва юанда амалга оширилаётганини айтди.
- Шанхай Ҳамкорлик Ташкилоти (ШҲТ) 2001 йил 15 июнда Хитой, Россия, Қозоғистон, Тожикистон, Қирғизистон ва Ўзбекистон раҳбарлари томонидан ташкил этилган халқаро ташкилотдир.
Изоҳ (0)