Буюк Британия Ташқи ишлар вазирлиги Туркияга дам олишга кетаётган сайёҳлар учун тавсиялар ва огоҳлантиришлар эълон қилди. Бу ҳақда Tengritravel хабар берди.
![](/static/2023/zulfiya/photo_2023-07-04_16-14-29.jpg)
Саёҳатчилардан мамлакатнинг айрим ҳудудларига, жумладан, Сурия билан чегарадош ҳудудларга саёҳат қилишдан воз кечиш сўралган.
“Биринчидан, Сурияда жанглар кечмоқда, иккинчидан, февраль ойида айнан Сурия билан чегарада зилзилалар бўлган”, — дейилади огоҳлантиришда.
Бундан ташқари, Ташқи ишлар вазирлиги Туркияда билиш керак бўлган бир нечта қонунларни санаб ўтди:
- турист фотосурати билан шахсий гувоҳномасига эга бўлиши керак;
- миллий рамзлар ва валютани таҳқирлаш мумкин эмас;
- масжидга ташриф буюрган киши камтарона кийиниши керак;
- жамоат жойларида чекиш тақиқланган;
- ҳарбий ёки полиция муассасалари яқинида суратга олиш мумкин эмас