Наманган вилоятида фуқаролар учаётган осма канат ҳаракат вақтида тўхтаб қолиб фуқаролар унда қолиб кетди. Бу ҳақда вилоят ФВБ ахборот хизмати хабар берди.
Унга кўра, ижтимоий тармоқларда тарқалган хабарларга асосан қутқарувчилар томонидан осма канат ишчи ходимларига арқондан фойдаланиш юзасидан қўшимча йўриқномалар берилган. Юқоридаги ҳолатда фуқаролар канатда учаётган вақтда тўхтаб қолганлиги ва канат ишчи ходимлари томонидан арқон орқали тушириб олингани аниқланди.
Ҳозирда ҳар 4 та масканга Фавқулодда вазиятлар ва Ички ишлар бўлимлари билан ҳамкорликда кунлик навбатчилик ташкил этилган. Бундан ташқари, ишчи гуруҳ томонидан ушбу ҳудудда жойлашган 4 та хусусий тадбиркорларга қарашли осма канат ва бошқа аттракционларда ўрганишлар олиб борилди, ўрганишлар якуни бўйича расмийлаштирилган ҳужжатлар қонуний чора кўриш мақсадида ҳуқуқни муҳофаза қилувчи идораларга топширилди.
Изоҳ (0)