Андижон шаҳрида 3 июль куни Миллий гвардия ходими автоҳалокатга учради. Бу ҳақда вилоят ЙҲХБ ахборот хизмати хабар берди.
Унга кўра, ҳолат 3 июль куни соат 13:30 ларда Андижон шаҳар “Гумбаз” МФЙ, Бобуршоҳ кўчасида содир бўлган. Ҳайдовчи (Миллий гвардия Андижон вилояти бўйича бошқармаси ходими, кичик сержант) 1992 йилда туғилган Р.И. ўзининг бошқарувидаги “Патриот” русумли автомашинасини бошқариб кетаётган вақтида ўзи билан бир йўналишда орқадан ҳаракатланиб келаётган — 1999 йилда туғилган Б.М. ўзининг Lacettiъни бошқариш давомида оралиқ масофани сақлай олмасдан, “Патриот” билан тўқнашган.
Натижада ҳар иккала автомашиналар техник шикастланган, тан жароҳати олганлар йўқ. Мазкур ҳолат юзасидан Андижон шаҳар ИИОФМБ ЙҲХБ масъул ходимлари томонидан суриштирув ишлари олиб борилмоқда.
Изоҳ (0)