Туркиядаги денгиз соҳилларидан, хусусан, Эгей денгизидан 2023 йилнинг 1 январидан 31 майигача бўлган муддатда юнон кучлари томонидан Туркия ҳудудий сувларига қайтарилган 8678 ноқонуний муҳожир қуруқликка чиқарилган. Бу ҳақда “Дарё”га Туркия республикаси президенти ҳузуридаги Коммуникациялар бошқармасининг Тошкент элчихонаси коммуникациялар бўйича маслаҳатчиси Ҳамди Туршужу маълум қилди.
Таъкидланишича, Туркиянинг халқаро ноқонуний миграция ва юзага келиши мумкин бўлган гуманитар фожиага қарши кураши тўхтовсиз давом этмоқда.
“Хусусан Эгей ва Ўрта Ер денгизида Европа, айниқса, Греция томонидан эътибордан четда қолган ва ҳатто турли аралашувлар билан ҳаётий муаммога айланган иммиграция муаммосига қарши Туркиянинг инсонпарварлик ёрдами ва кураши узлуксиз давом этмоқда. Туркия республикаси Ички ишлар вазирлиги Соҳил хавфсизлик қўмондонлигидан олинган маълумотларга кўра, фақат 1 июль ҳолатига кўра юнон кучлари томонидан Туркиянинг ҳудудий сувларида сузган резина қайиқларда Чаноққалъа қирғоқларидан 37 нафар, бошқа вақт билан 47 нафар, Измирда 11 нафар, 2 июль ҳолатига кўра эса Чаноққалъа қирғоқларидан яна 84 нафар муҳожир қирғоққа олиб чиқилган. Охирги ҳафтага қарасак, 25 июнда 14, 26- июнда 99 нафар, 27 июнда 48, 28 июнь куни эса яна 57 нафар ноқонуний муҳожир қутқарилган”, — дейди Ҳамди Туршужу.
Қўшимча қилинишича, июнь ойи охирида Эгей денгизидан Туркия Соҳил хавфсизлик хизмати томонидан 400 дан ортиқ ноқонуний муҳожир қутқарилган.
Изоҳ (0)