Тошкент вилояти Зангиота туманида темир тўсиқ Damas ичига кириб кетди. Бу ҳақда вилоят ЙҲХБ ахборот хизмати хабар берди.
Унга кўра, ҳолат 24 июнь куни соат 15:00 ларда Зангиота тумани ҳудудидан ўтган 4R23-А автомобиль йўлининг 2-километридан кесиб ўтган 3387 рақамли темир йўл кесишмасида содир бўлган. 1994 йилда туғилган Қ.А. бошқарувидаги Damas’да ўтаётган вақтида темир йўл кесишмасига ўрнатилган шлагбаум носозлиги туфайли автомобилга кириб кетган.
Оқибатда Damas’нинг олд ўриндиғида ўтирган йўловчи 1960 йилда туғилган А.А. тан жароҳати олиб, касалхонага мурожаат қилган. Мазкур ҳолат юзасидан Зангиота тумани ИИБ ЙХХБ томонидан суриштирув ишлари олиб борилмоқда.
Изоҳ (0)