Давлат статистика қўмитаси Ўзбекистон вилоятлари марказий ҳудудлари кесимида 2023 йилнинг июнь ойида тайёр паловнинг ўртача нархларига оид маълумотларни эълон қилди.
Маълум қилинишича, энг қиммат палов Тошкент шаҳрида сотилган бўлиб, бир порсияси 29 000 сўм бўлган. Ундан кейинги ўринлардан Самарқанд (25 200 сўм) ва Сурхондарё (24 800 сўмдан) вилоятлари жой олган. Энг арзон ош эса Фарғона вилоятида — бир порсияси 19 200 сўмдан сотилган.
Ҳудудлардаги ош марказларида сотилаётган бир порсия паловнинг ўртача нархлари қуйидагича:
- Қорақалпоғистон – 20 800 сўм;
- Андижон вилояти – 22 200 сўм;
- Бухоро вилояти – 24 400 сўм;
- Жиззах вилояти –23 200 сўм;
- Қашқадарё вилояти – 24 200 сўм;
- Навоий вилояти – 20 400 сўм;
- Наманган вилояти – 19 800 сўм;
- Самарқанд вилояти – 25 200 сўм;
- Сурхондарё вилояти – 24 800 сўм;
- Сирдарё вилояти – 23 200 сўм;
- Тошкент вилояти – 21 800 сўм;
- Фарғона вилояти – 19 200 сўм;
- Хоразм вилояти – 22 800 сўм;
- Тошкент шаҳри – 29 000 сўм.
Ош рейтинги
Ўзбекистонда энг оммавий таом — ош нархлари тўғрисидаги маълумотларни шакллантирувчи “Палов индекси” 2020 йилнинг январидан жорий этилган. Ушбу маълумотларни шакллантиришда республиканинг барча ҳудудларида 1 килограмм палов тайёрлаш учун сарфланадиган масаллиқлар миқдори ўрганиб чиқилади. Шунга кўра, умумий овқатланиш муассасаларида бир порсия паловнинг ўртача нархи белгиланади.
Изоҳ (0)