Андижон вилояти Жалақудуқ туманида фуқаронинг уйи фарзандлари томонидан ноқонуний олиб қўйилгани айтилди. Вилоят прокуратураси ҳолат юзасидан маълумот берди.
Унга кўра, фуқаро С.Э.га тегишли бўлган тумандаги “А.Раҳмонов” маҳалласида жойлашган уй 2020 йилда ҳадя шартномасига асосан фуқаро К.А.га ҳадя қилинган. Шу куннинг ўзида фуқаро К.А. низоли уйнинг 1\2 қисмини фуқаро Г.Э.га шартнома асосида ҳадя қилган.
Бироқ 2022 йилда фуқаро К.А. уй-жойни сотиш важи билан жавобгар Г.Э.га нисбатан ҳадя шартномасини бекор қилиш ҳақида ФИБ Хўжаобод туманлараро судига даъво ариза билан мурожаат қилган. Фуқаролик кодексининг 72-моддаси 1-қисмида, ҳар бир тараф ўзининг талаблари ва эътирозларини асос қилиб кўрсатган ҳолатларини исботлаши шартлиги кўрсатилган, бироқ, даъвогар ҳадя шартномасини бекор қилиш учун асос бўлган 507-моддасида кўрсатилган ҳолатларни тасдиқловчи далилларни судга тақдим этолмаганлиги боис ушбу суднинг 2022 йилги ҳал қилув қарори билан даъво талаби рад қилинган.
Вилоят прокуратураси томонидан суднинг ушбу қарорига нисбатан протест келтириш учун етарли асослар топилмаган ва бундан фуқаро С.Э. ёзма равишда хабардор этилган.
Изоҳ (0)