Шимолий Корея Жанубий Корея ва АҚШни Корея яриморолидаги вазиятни “ядро уруши остонаси”га олиб бораётганликда айблаб, мудофаа қобилиятини мустаҳкамлашда давом этишга ваъда берди. Бу ҳақда Yonhap ёзмоқда.
КХДР Ташқи ишлар вазирлиги қошидаги Америка тадқиқотлари институти 26 июнь кунги ҳисоботида минтақадаги ҳарбий кескинликни 1950—1953 йиллардаги Корея уруши бошланишидан олдинги кечага қиёслади.
“АҚШнинг бундай жанговар ҳаракатлари Корея яримороли ва Шимоли-шарқий Осиёдаги ҳарбий тарангликни кучайтирмоқда, вазият жуда беқарор, ядро уруши остонасида”, — дейилади инглиз тилида тақдим этилган ҳисоботда.
Пхеньян нинг таъкидлашича, бу йил Вашингтон Шимолий Кореянинг суверенитети ва хавфсизлигига нисбатан ҳар қачонгидан кўпроқ “душманона ҳаракатларни амалга оширмоқда”. Шунингдек, яриморолдаги уруш “мисли кўрилмаган жаҳон ва термоядро урушига айланиб бораётгани”, бутун дунёдаги “энг ҳалокатли ва қайтариб бўлмайдиган оқибатларга” олиб келиши ҳақида огоҳлантирилди.
Шу муносабат билан, агар Қўшма Штатлар душманлик сиёсати ва доимий ҳарбий таҳдиддан воз кечмаса, КХДР ўз суверенитетини ҳимоя қилиш учун ўзини ўзи мудофаа қобилиятини мустаҳкамлаш бўйича саъй-ҳаракатларини кучайтиришда давом этади, дейилади хабарда.
Изоҳ (0)