Навоий вилоятининг Хатирчи тумани, Хоразм вилоятининг Урганч туманида захирадаги ер майдонлари ноқонуний сотилишининг олди олинди.
Бош прокуратура ҳузуридаги департаментнинг Хатирчи туман бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда фуқаро Ф.Э. ва бошқалар “Тинчлик” МФЙда жойлашган захирадаги томорқа ер майдонини фуқаро Н.Т.га фирибгарлик йўли билан 400 миллион сўмга сотишга келишиб, шундан 250 миллион сўмни олган вақтида ашёвий далиллар билан ушланган.
Шу каби, департаментнинг Урганч туман бўлими томонидан ИИБ ходимлари билан ҳамкорликда ўтказилган тезкор тадбирда фуқаро B.Р. туман ҳудудидаги 6 сотих захирадаги ер майдонини фуқаро Б.Б.га фирибгарлик йўли билан 300 миллион сўмга сотишга келишиб, шундан 4 500 доллар ва 5 миллион сўмни олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 25, 168-моддаси (фирибгарлик) ва 28, 211-моддаси (пора бериш ) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)