Ҳиндистон молия вазири АҚШ собиқ президенти Барак Обаманинг озчилик мусулмонлар ҳуқуқларини ҳимоя қилиши кераклиги ҳақидаги баёнотини масхара қилиб, Обамани иккиюзламачиликда айблади. Бу ҳақда Al-Arabiya хабар берди.
Модининг ўтган ҳафта АҚШга давлат ташрифи чоғида Обама CNN телеканалига “Ҳиндистондаги мусулмон озчиликни ҳимоя қилиш” масаласи Модининг АҚШ президенти билан учрашувида кўтарилиши кераклигини айтди.
Обаманинг айтишича, бундай ҳимоясиз “Ҳиндистон қайсидир нуқтада парчалана бошлаши эҳтимоли кучли”.
“Бош вазир АҚШга ташриф буюрганида, собиқ президент (Барак Обама) ҳинд мусулмонлари ҳақида баёнот бергани ажабланарли. Мен эҳтиёткорлик билан гапиряпман, биз АҚШ билан яхши дўстлик алоқаларини хоҳлаймиз. Нега кимдир бундай одамларнинг баёнотларини тинглаши керак? Балки Обама туфайли мусулмонлар ҳукмрон 6 та давлат бомбардимон қилингандир. 26 мингдан ортиқ бомба ташлангандир”, — дейди молия вазири.
АҚШ Давлат департаменти Ҳиндистондаги бошқа диний озчиликларга мансуб мусулмонларга нисбатан Модининг ҳинду-миллатчи партияси остидаги муносабатдан хавотир билдирди. Ҳиндистон ҳукумати барча фуқароларга тенг муносабатда бўлиши кераклигини таъкидлади.
Байденнинг айтишича, у Моди билан Оқ уйда суҳбат чоғида инсон ҳуқуқлари ва бошқа демократик қадриятларни муҳокама қилган. Моди ўтган ҳафта Байден билан бўлиб ўтган матбуот анжуманида ўз ҳукумати остидаги озчиликларга нисбатан камситишларни рад этди.
Изоҳ (0)