Сурхондарё вилояти Узун туманида 81 та каврак кесилиши оқибатида ўсимлик дунёсига 40 миллион 95 минг сўм зарар етказилди. Бу ҳақда Экология, атроф-муҳитни муҳофаза қилиш ва иқлим ўзгариши вазирлиги ахборот хизмати хабар берди.
Унга кўра, Экология вазирлиги томонидан тузилган ишчи гуруҳ Сурхондарё вилояти, Узун туманидаги “Боботоғ” SИУ ҳудудида ўрганиш ишларини олиб борди. “Узун Оқ Macҳит Агро” МЧЖ қўшма корхонасига бириктирилган тоғ ва тоғ олди ҳудудларидаги ўрганишлар натижасида табиий ҳолда ўсувчи тожик кавраги ўсимлигининг 2421 таси димлангани, картонлангани, 81 таси эса ширасини олиш мақсадида кесилгани маълум бўлди.
Бу хатти-ҳаракат “Ўсимлик дунёсини муҳофаза қилиш ва ундан фойдаланиш тўғрисида”ги қонуннинг 36-моддаси талабини бузиш ҳисобланади. Ҳуқуқбузар томонидан ўсимлик дунёсига 40 миллион 95 минг сўм миқдорида зарар етказилгани аниқланди. Ҳолат юзасидан МЧЖга нисбатан МЖтКнинг 81-моддаси 1-қисми билан маъмурий иш қўзғатилди.
Тезкор назорат тадбирлари 2023 йил 1 сентябргача давом этади.
Изоҳ (0)