Туркиянинг “Демирорен” ахборот агентлиги томонидан Ўзбекистоннинг Истанбулдаги бош консули Амирсаид Аъзамхўжаев билан бўлажак муддатидан илгари Ўзбекистон президенти сайлови жараёнларига бағишлаган интервью видео ва матн шаклда эълон қилинди, деб ёзмоқда “Дунё”.
Нашрда Ўзбекистон Марказий сайлов комиссия маълумотлари асосида 10 784 та сайлов участкаси ташкил этилгани маълум қилинган. Бош консул 39 та хорижий давлатда 56 та сайлов участкалари ташкил этилганини айтган.
“Туркияда иккита жойда сайлов участкаси ташкил этилади. Ўзбекистоннинг Анқарадаги элчихонасида ва Истанбулдаги Бош консулхонада ташкил этилган сайлов участкаларида Туркияда бўлиб турган юртдошларимиз ўз танловларини амалга ошириши мумкин”, — дейди Амирсаид Аъзамхўжаев.
Суҳбат давомида, шунингдек, Туркиядаги Ўзбекистон фуқаролари президент сайловида муддатидан олдин 28 июндан 5 июлгача овоз бериши мумкинлиги таъкидланган.
Изоҳ (0)