Ўзбекистонда 2023/2024-ўқув йилида давлат ОТМларига 206 минг 857 нафар абитуриент ўқишга қабул қилинади. Бу ҳақда Олий таълим, фан ва инновациялар вазирлиги ахборот хизмати “Дарё”га маълум қилди.
Янги ўқув йилида республикадаги давлат олий таълим муассасаларига 206 минг 857 нафар абитуриент ўқишга кириш имкониятига эга. Шундан 43 минг 783 нафари грант, 163 минг 74 нафари тўлов-контракт асосида ўқийди.
Жорий ўқув йили учун қабулга доир матбуот анжуманида Олий таълим, фан ва инновациялар вазирлиги департамент бошлиғи Абдували Холиқов квоталар оширилганига урғу берди.
“Бакалавриатга (кундузги) ўтган йилгига нисбатан грант 10 фоизга, контракт 1 фоизга оширилди. Бу янги ўқув йилида 2022 йилга нисбатан 10 фоиз кўпроқ болаларга давлат гранти асосида ўқиш имконият яратилмоқда дегани”, — дея таъкидлади у.
Маълум қилинигича, магистаратура йўналишига 8 минг 923 та давлат гранти ажратилган бўлса, 8 минг 170 та ўрин тўлов-шартномаси учун тасдиқланган.
Изоҳ (0)