Тошкент вилояти Қибрай туманида маст ҳайдовчи “ВАЗ-2106” (“Жигули”) билан уч нафар болани уриб юборди.
Вилоят ИИББ матбуот котибининг маълум қилишича, воқеа 19 июнь куни соат тахминан 18:00 да, Тошкент—Қибрай—Май автомобиль йўлида юз берган. Машинани маст ҳолатда бошқарган С.Ж. (1991 йилда туғилган), рул бошқарувини йўқотиб йўлнинг чап томонида кетаётган 3 нафар пиёдани уриб юборган.
Оқибатда 2009 йилда туғилган пиёда олган тан жароҳатлари натижасида вафот этган, қолган икки нафари турли хил тан жароҳатлари билан туман марказий шифохонасига ётқизилган.
Ҳолат юзасидан тергов ҳаракатлари олиб борилмоқда.
Изоҳ (0)