O‘zbekistonda 2023/2024-o‘quv yilida davlat OTMlariga 206 ming 857 nafar abituriyent o‘qishga qabul qilinadi. Bu haqda Oliy taʼlim, fan va innovatsiyalar vazirligi axborot xizmati “Daryo”ga maʼlum qildi.
Yangi o‘quv yilida respublikadagi davlat oliy taʼlim muassasalariga 206 ming 857 nafar abituriyent o‘qishga kirish imkoniyatiga ega. Shundan 43 ming 783 nafari grant, 163 ming 74 nafari to‘lov-kontrakt asosida o‘qiydi.
Joriy o‘quv yili uchun qabulga doir matbuot anjumanida Oliy taʼlim, fan va innovatsiyalar vazirligi departament boshlig‘i Abduvali Xoliqov kvotalar oshirilganiga urg‘u berdi.
“Bakalavriatga (kunduzgi) o‘tgan yilgiga nisbatan grant 10 foizga, kontrakt 1 foizga oshirildi. Bu yangi o‘quv yilida 2022-yilga nisbatan 10 foiz ko‘proq bolalarga davlat granti asosida o‘qish imkoniyat yaratilmoqda degani”, — deya taʼkidladi u.
Maʼlum qilinigicha, magistaratura yo‘nalishiga 8 ming 923 ta davlat granti ajratilgan bo‘lsa, 8 ming 170 ta o‘rin to‘lov-shartnomasi uchun tasdiqlangan.
Izoh (0)