UFC президенти Дана Уайт Илон Маск ва Марк Цукерберг ўртасидаги эҳтимолий жанг ҳақида гапириб ўтди.
“Мен Марк билан ҳам, Илон билан ҳам гаплашдим, иккаласи ҳам бунга жиддий қараяпти. Бу тарихдаги энг катта жанг бўлади.
Ушбу жанг барча пуллик трансляциялар рекордини янгилайди ва хайрия учун ҳам юз миллионлаб доллар йиғади.
Мен инсонларга хоҳлаган нарсаларини бераман. Бу жангни эса ҳамма кўришни хоҳлайди. Жуда қизиқарли кард йиғса бўлади, оқшомнинг асосий жанги эса Маск ва Цукерберг ўртасида кечади”, — дейди Уайт.
Эслатиб ўтамиз, Twitter’нинг янги эгаси Илон Маск жанг санъатлари ишқибози бўлган Мета бош директори Марк Цукерберг билан жанг қилишга тайёрлигини маълум қилганди. Facebook асосчиси эса унинг чорловини қабул қилиб, “Менга манзилни жўнат”, — дея ёзиб қолдирганди. Бу чақириққа Мета Twitter’га рақобатчи иловани ишга тушириш ниятида экани ҳақидаги хабар сабаб бўлган.
Изоҳ (0)