Президентликка номзод Шавкат Мирзиёев сурхондарёлик сайловчилар билан учрашувда уй-жой ва йўллар қурилиши юзасидан режаларни маълум қилди.
“Келгуси етти йилда вилоятда 1,5 мингта кўп қаватли уйларда 50 минг оила шинам уй-жойга эга бўлади. Бунга барча манбалар ҳисобидан 1 миллиард доллар йўналтирамиз”, — деди номзод.
Шавкат Мирзиёев Ангор, Бойсун, Жарқўрғон, Сариосиё ва Термиз туманларидаги “Янги Ўзбекистон” массивларида 300 та кўп қаватли уй-жойлар қурилиши натижасида, 12 мингта оила уй-жой билан таъминланишини айтди.
“Вилоятда 2030 йилгача 4 минг километр ички йўллар таъмирланади ҳамда 35 та кўприклар янгидан қурилади”, — деди номзод.
Изоҳ (0)