Мисрдан С гепатитига қарши 12 минг донадан ортиқ “Даклатасвир” дори воситасининг саккизинчи партияси Тошкентга етказиб берилди, деб хабар бермоқда “Дунё” АА.
Инсонпарварлик ёрдами сифатида ажратилган ушбу дори воситалари Ўзбекистон Соғлиқни сақлаш вазирлиги ҳузуридаги Вирусология илмий-текшириш институти томонидан шифоталаб беморларга тақсимланади.
Мутахассислар фикрича, Миср ҳукумати мазкур ютуқларга эришиш учун “100 миллион соғлом ҳаёт” миллий дастурини ишлаб чиқиб, уни муваффақиятли амалга оширмоқда. Бунда асосий эътибор дунёнинг машҳур фармацевтика компаниялари билан яқиндан ҳамкорлик алоқаларини ўрнатиш ва кенгайтиришга қаратилмоқда.
Ушбу дори воситаларининг аввалги партиялари 29 апрель, 6 май, 14 май, 20 май, 28 май, 3 июнь ва 10 июнь кунлари етказиб берилганди.
Изоҳ (1)
аволомбор асаломуалкум бу дори воситасини қаердан харит қилсак бўлади олдинга рахмат