Uzbekistan Airways Misr hukumati tomonidan insonparvarlik yordam sifatida ajratilgan С gepatitiga qarshi “Daklatasvir” dori vositasining beshinchi partiyasini turkumini Sharm ash-Shayxdan Toshkentga bepul yetkazib berdi, deb xabar bermoqda “Dunyo” AA.
Ushbu insonparvarlik ko‘magi O‘zbekiston TIV, Qohiradagi elchixona va Uzbekistan Airways hamkorligida tashkil etildi. Insonparvarlik yuklarining olib kelinishi O‘zbekiston va Misr o‘rtasida sog‘liqni saqlash sohasida hamkorlikni yanada jadallashtirish, virusologiya jabhasida o‘zaro qo‘llab-quvvatlashni tashkil etish doirasida ilgari erishilgan kelishuvlarning amaliy natijasi hisoblanadi.
Umumiy hajmi 17 mingdan ortiq “Daklatasvir” dori vositalari Sog‘liqni saqlash vazirligi huzuridagi Virusologiya ilmiy-tekshirish instituti tomonidan shifotalab bemorlar o‘rtasida taqsimlanadi.
Ma’lumot tariqasida qayd etish joizki, Misr sog‘liqni saqlash vazirligi bilan 2023—2024-yillar davomida umumiy qiymati 4,8 million dollar hajmidagi 800 ming dona (40 tonnaga yaqin) C gepatitiga qarshi “Daklatasvir” va “Sofosbuvir” dori vositalarini O‘zbekistonga bepul yetkazib berish bo‘yicha kelishuvlarga erishilgan.
Ushbu dori vositalarining avvalgi partiyalari 29-aprel, 6-may, 14-may, 20-may kunlari yetkazib berilgandi.
Izoh (0)