19 июнь куни Филиппиннинг Себу шаҳридан Жанубий Кореянинг Инчхон шаҳрига учаётган Jeju Air самолёти йўловчиси парвоз вақтида самолёт эшикларини очмоқчи бўлди, деб ёзади The Korea Times.
Авиакомпания маълумотларига кўра, ҳавога кўтарилганидан тахминан бир соат ўтгач, ичида 180 киши бўлган Boeing 737 йўловчиси ўзини ғалати тута бошлаган ва стюардессаларга кўкрак қафасидаги босимдан шикоят қилган.
Парвоз экипажи ундан авариявий чиқиш жойи ёнидаги ўриндиққа ўтишни сўраган, бироқ эркак чиқиш томонга югуриб бориб, самолёт эшикларини очишга уринган. Гувоҳларнинг таъкидлашича, у ҳаракатлари давомида: “Эшикларни очаман ва ҳаммани ўлдираман” деб бақирган.
Борт кузатувчилари ва бошқа йўловчилар уни зарарсизлантиришга муваффақ бўлган. Парвоз яна уч соат давом этган ва самолёт қўнгач, қоидабузар полицияга топширилган.
Самолётдагиларнинг ҳеч бири жабрланмаган.
Эслатиб ўтамиз, май ойи охирларида Жанубий Кореяда Аsiana Airlines авиакомпаниясига тегишли самолётнинг авариявий чиқиш эшиги парвоз пайтида очилиб кетган эди. Бортда 200 киши бўлган. 12 киши енгил тан жароҳати олган, тўққиз нафар йўловчи ҳаво етишмаслиги сабаб касалхонага ётқизилган.
Эшикни унинг ёнида ўтирган йўловчилардан бири очгани маълум қилинди.
Изоҳ (0)