АҚШ давлат котиби Энтони Блинкен чоршанба куни Украинага янги ёрдам пакетини эълон қилиши кутилмоқда.
“Президент Жо Байден қанча вақт керак бўлса, шунча вақт биз Украина билан бирга бўламиз, деди... Биз ушбу гапга мувофиқ ҳаракат қилишда давом этамиз. Жумладан, эртага Украинага янги ёрдам пакетини эълон қилишимиз мумкин”, — деди Блинкен матбуот анжуманида.
Аввалроқ Энтони Блинкен АҚШ ва НАТО иттифоқчилари Вилнюсдаги саммитгача Украинага сиёсий ва моддий ёрдамнинг “салмоқли пакети” ажратилишини эълон қилиш ниятида эканини маълум қилганди.
“Вилнюсда бўлиб ўтадиган навбатдаги (НАТО) етакчилар саммитига қадар биз ва дўстларимиз жуда салмоқли сиёсий ва моддий ёрдам пакетини ажратилишини кутмоқдамиз”, — деганди АҚШ давлат котиби Ослодаги матбуот анжуманида.
Изоҳ (0)