Ўзбекистон Ташқи ишлар вазирлигининг Европа мамлакатлари ва Европа Иттифоқи институтлари билан ҳамкорлик бошқармаси бошлиғи Ойбек Шахавдинов Нидерландиянинг Лейден университети Осиё ва Европа танқидий меросини ўрганиш бўйича мутахассиси, доцент Елена Паскалева билан учрашди, деб хабар бермоқда “Дунё” ахборот агентлиги.
Қайд этилишича, нидерландиялик олима Ўзбекистоннинг тарихига, хусусан, Темурийлар меъморчилигига қизиқиши катта эканини маълум қилган. Шунингдек, у Ўзбекистоннинг дунёга машҳур маданиятига меҳр қўйганини, шу боис республика бўйлаб мунтазам сафар қилишини айтган.
Учрашувда Лейден университети ва Ўзбекистоннинг таълим муассасалари ҳамда тадқиқот марказлари ўртасида ҳамкорликни йўлга қўйиш масалалари муҳокама қилинган.
“Й.Паскалева сўнгги йилларда Марказий Осиёга бўлган қизиқиш тобора ортиб бораётгани ҳамда ушбу минтақа халқаро майдонда устувор йўналишлардан бирига айланаётгани сабабли Лейден университети Европада илк бор Эрон ва Марказий Осиё тадқиқотлари кафедрасини очганини маълум қилди”, — дейилади хабарда.
Таъкидланишича, учрашув якунида Erasmus таълим дастури доирасида ўзбекистонлик ва нидерландиялик талабалар ўртасида алмашув дастурларини амалга оширишга келишиб олинган.
Изоҳ (0)