Тошкентда 5 та автомобиль тўқнашиб кетди

Тошкент шаҳар Бектемир туманида 5 та автомобиль иштирокида йўл транспорт ҳодисаси содир бўлди. Пойтахт ЙҲХБ ҳолат тафсилотларини очиқлади.

Унга кўра, 18 июнь куни соат  12:20 ларда Бектемир тумани  Қўйлиқ кўприги устида:

• 1995 йилда туғилган Ш.Р. бошқарувида бўлган Cobalt;
• 1990 йилда туғилган З.А. бошқарувида бўлган Lacetti;
• 1995 йилда туғилган М.Т. бошқарувида бўлган Spark;
• 1991 йилда туғилган А.Х. бошқарувида бўлган Nexia 2;
• 1953 йилда туғилган А.К. бошқарувида бўлган Lacetti иштирокида йўл транспорт ҳодисаси содир бўлган.

Қайд этилишича, ЙТҲ натижасида тан жароҳат олганлар йўқ. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.