Андижон вилояти Бозорлар ва савдо комплекслари уюшмасида 17 июнь куни навбатдан ташқари йиғилиш ўтказилди. Бу ҳақда вилоят ФВБ хабар берди.
Унга кўра, йиғилишда Фавқулодда вазиятлар бошқармаси бўлим бошлиғи О.Қўлдошев иштирок этди ва уюшма раиси ҳамда уюшма таркибидаги 39 та бозорлар, савдо комплекслари раҳбарлари қатнашди. Кун тартибидаги асосий масала, Вазирлар Маҳкамасининг тегишли фармойиши ижроси ҳамда фавқулодда вазиятларнинг олдини олиш ва ёнғин хавфсизлигини таъминлаш юзасидан О.Қўлдошев томонидан асосли кўрсатмалар берилди.
Хусусан, ёнғин юкламаси ва хавфи юқори бўлган бозорлар ва савдо комплексларида шартнома асосида вилоят ФВБ Ёнғин-қутқарув бўлинмалари навбатчилигини ташкил этиш, 39 та бозор ва савдо комплексларининг маъмурияти ва масъул шахсларини шартнома асосида муддатидан аввал, қайтадан махсус курсларда ўқитиш юзасидан келишувларга эришилди.
Йиғилиш баёни қарор қисмида белгиланган вазифалар ижроси уюшма ва унинг тизимидаги маскан раҳбарларига юкланди.
Изоҳ (0)